Mapiau Etholiad: Telerau ac amodau defnyddio
Mae’r wefan hon yn darparu mapiau i gynorthwyo â gweithgareddau sy’n cefnogi ethol cynrychiolwyr i unrhyw un o gyrff llywodraeth leol a seneddol y DU. Gellir ei defnyddio hefyd mewn sefydliadau addysgol ffurfiol ar gyfer addysgu a defnydd yn yr ystafell ddosbarth. Mae’r delweddau mapio ar y wefan hon yn cynnwys Rhastr Lliw Graddfa 1:50 000,
Rhastr Lliw Graddfa 1:250 000, Strategi®, Boundary-Line™, OS Street View, MiniScale®, a data oddi wrth Arolwg Ordnans® Gogledd Iwerddon. Mae hawlfraint y Goron yn berthnasol i’r holl fapiau a data mapio sydd ar gael trwy’r wefan hon, dan Ddeddf Hawlfraint, Dyluniadau a Phatentau 1988. Mae atgynhyrchu heb awdurdod yn torri hawlfraint y Goron a gall arwain at erlyniad a/neu achos sifil.
Mae’r Arolwg Ordnans yn cadw’r hawl i dynnu’r gwasanaeth hwn yn ôl neu ei atal unrhyw bryd, ac am ba hyd bynnag y mae’n ystyried sy’n addas. Gallwch ddefnyddio’r mapiau ar y wefan hon at ddiben cefnogi ethol cynrychiolwyr i unrhyw un o gyrff llywodraeth leol neu seneddol y DU, mewn sefydliadau addysgol ffurfiol neu gan aelodau o’r etholaeth sydd â diddordeb mewn gwybod beth yw maint yr etholaeth neu’r dosbarth llywodraeth leol y maent yn byw ynddi/ynddo.
Gallwch lawrlwytho’r nifer ofynnol o gopïau o fapiau i gwmpasu pob etholaeth neu ward, gan gynnwys i’w defnyddio fel a ganlyn:
- ar gyfer llenyddiaeth etholiadol o fewn cyfyngiadau cyfraith y DU ac Ewrop
- wrth ymgyrchu a chanfasio
- at ddiben addysgu disgyblion sydd mewn addysg amser llawn mewn sefydliadau addysgol ynghylch y broses ethol
- ar eich gwefannau, cyn belled â bod y gydnabyddiaeth ganlynol yn ymddangos islaw pob delwedd: Cynhyrchwyd y ddelwedd o wasanaeth Mapiau Etholiad yr Arolwg Ordnans. Atgynhyrchwyd y ddelwedd â chaniatâd yr Arolwg Ordnans ac Arolwg Ordnans Gogledd Iwerddon – lle mae Mapiau Etholiad yn hyperddolen i http://www.election-maps.co.uk, mae’r Arolwg Ordnans yn hyperddolen i http://www.ordnancesurvey.co.uk/ ac mae Arolwg Ordnans Gogledd Iwerddon yn hyperddolen i http://www.osni.gov.uk. (Copïwch a gludwch yr HTML a ddarperir isod.) HTML ar gyfer y gydnabyddiaeth uchod (copïwch a gludwch hwn i’ch tudalennau islaw pob delwedd): Cynhyrchwyd y ddelwedd o wasanaeth Mapiau Etholiad yr Arolwg Ordnans. Atgynhyrchwyd y ddelwedd â chaniatâd caredig yr Arolwg Ordnans ac Arolwg Ordnans Gogledd Iwerddon.
Mae’n rhaid ichi beidio â:
- defnyddio unrhyw rai o’r mapiau neu’r data mapio er budd ariannol
- defnyddio’r mapiau ar gyfer unrhyw ddiben neu weithgaredd anghyfreithlon
- cyhoeddi unrhyw fapiau y tu hwnt i’r defnyddiau a ddiffinnir uchod
- rhoi caniatâd i bobl eraill gopïo’r deunydd mapio rydych chi’n ei ddefnyddio ar unrhyw ffurf heb ganiatâd ysgrifenedig o flaen llaw oddi wrth yr Arolwg Ordnans neu Arolwg Ordnans Gogledd Iwerddon
- gwerthu, ailwerthu neu ecsploetio unrhyw ran o’r wybodaeth a gedwir neu a gyrchir trwy’r wefan hon at ddibenion masnachol
- Ni allwch gynnwys unrhyw wybodaeth yn y mapiau a fyddai’n drosedd dan y ddeddf cyfrinachau swyddogol pe byddent yn cael eu cyhoeddi neu eu hatgynhyrchu
Mae’n rhaid i’r holl gopïau caled, a’r deunydd a gyhoeddir yn electronig, a gynhyrchir o ddata’r Arolwg Ordnans fod â’r gydnabyddiaeth: Atgynhyrchwyd o ddata mapio’r Arolwg Ordnans â chaniatâd yr Arolwg Ordnans, © Hawlfraint y Goron 2008. Cedwir pob hawl. Os oes arnoch angen ymestyn y drwydded hon at ddibenion pellach na ddiffinnir yma, cyfeiriwch yn ôl at http://www.election-maps.co.uk/ neu ysgrifennwch at Ordnance Survey Copyright Licensing, Romsey Road, SOUTHAMPTON, SO16 4GU neu anfonwch ffacs i 023 8079 2575. Mae’n rhaid i’r holl gopïau caled, a’r deunydd a gyhoeddir yn electronig, a gynhyrchir o ddata Arolwg Ordnans Gogledd Iwerddon (OSNI) fod â’r gydnabyddiaeth: Atgynhyrchwyd o ddata mapio Arolwg Ordnans Gogledd Iwerddon â chaniatâd y Prif Weithredwr, © Hawlfraint y Goron 2008. I gael caniatâd i gyhoeddi unrhyw ddeunydd ar gyfer Gogledd Iwerddon, cysylltwch â: Copyright Administration, Ordnance Survey of Northern Ireland, Colby House, Stranmillis Court, Malone Lower, BELFAST, BT9 5BJ ffôn: +44 (0)28 9025 5722 e-bost: copyright@osni.gov.uk Nid yw’r Arolwg Ordnans yn atebol am gynnwys data OSNI. Mae’n rhaid cyfeirio unrhyw fater sy’n ymwneud â chynnwys data OSNI yn uniongyrchol at Arolwg Ordnans Gogledd Iwerddon. Gan nad oes gennym unrhyw reolaeth dros yr offer y byddwch yn eu defnyddio i gyrchu’r wefan hon, ni allwn warantu na rhoi unrhyw warant o fanwl gywirdeb na chyflawnrwydd delweddau mapio y byddwch yn eu cyrchu, na pha mor gyfredol ydynt. Nid yw’r Arolwg Ordnans yn gyfrifol am y gwasanaethau a ddarperir gan drydydd partïon, fel darparwyr gwasanaethau Rhyngrwyd a rhwydweithiau telathrebu, a allai effeithio ar yr amser lawrlwytho. Darperir yr holl ddelweddau mapio fel ag y maent, heb unrhyw warant o unrhyw fath – boed yn bendant neu ymhlyg – i’r graddau pellaf a ganiateir dan y gyfraith gan gynnwys (ond heb gyfyngiad) dim gwarantau o deitl, ansawdd boddhaol, ffitrwydd at ddiben penodol a thor-cyfraith o ran eiddo deallusol neu hawliau trydydd parti. Byddwch yn defnyddio data o wefan Mapiau Etholiad ar eich menter eich hun, ac ni ddylech ddibynnu ar unrhyw beth ohoni fel cymorth wrth gyfeiriannu. Nid yw cynrychiolaeth ffordd, trac neu lwybr ar unrhyw ddelwedd fapio’n dystiolaeth o fodolaeth hawl tramwy. Nid ydym yn gwarantu bod y wefan hon nac unrhyw rai o’r delweddau mapio a gyrchir trwyddi’n gydnaws â’ch offer cyfrifiadurol, na bod y wefan, ei gweinydd nac unrhyw rai o’r delweddau mapio heb wallau, firysau, mwydod, ceffylau Trojan, neu cancelbots. Hefyd, nid yw’r Arolwg Ordnans nac Arolwg Ordnans Gogledd Iwerddon yn atebol am unrhyw ddifrod a allai ddod i’ch rhan yn sgil nodweddion dinistriol o’r fath, ac nid ydynt yn gyfrifol am ddata na chynnwys a ddarperir gan drydydd partïon.